Welcome to BuurHakaba Media Center

ODAYAASHA DIGIL IYO MIRIFLE EE KU NOOL DALKA CANADA OO HAMBALYO IYO TAHNIYAD U DIREY GUDDOOMIYAHA GOBOLKA BAAY MUDANE XAAJI MOHAMUD MOHAMMED ADEN (BAR-BAAR)

Tronto, 10-July-2006@[BMC] Doraat oo ay taariikhdu tahay Sabti July 8, 2006 waxaa shir deg deg ah isugu yimid odeyaasha jaaaliyadda Digil iyio Mirifle ee ku dhaqan dalka Canada, waxay hambalyo iyo tahniyad gaar ah ay udireen guddoomiyaha Gobolka Bay, ku xigeeenadiisa iyo guddoomiyeyaasha degmooyinka, iyagoo uga tahniyadeynaya xilalka cusub ee loo magacaabay.

Odeyaaasha waxa ay khadka telefoonka ay kula xiriireen guddoomiyaha G.Bay Mudane Xaaji M. Barbaar, iyagoo guud ahaan ka wada hadlay barnaamij hawleedka G. Bay ee uu u soo bandhigay guddoomiyaha, wuxuuna warbixin kooban ka siiyey odeyaasha xaaladda G. Bay.

Waxayna isla wada falanqeeyeen sida ugu habboon ee loo fulin karo sugidda ammaanka G. Bay iyo nawaaxigiisa. Wuxuuna ku baraarujiyey guddoomiyaha in aqoonyahannada, waxgaradka dibadda iyo gudahaba in ay kaalin muuqata ka qaataan dib u dhisidda dalka.

Odeyaasha iyo guddoomiyahaba waxay isla garteen in loo diro khubaro Soomaaliyeeed oo ka hawl gala G. Bay. Waxayna wada go’aansadeen in si deg deg ah loo diro Dr. Abdalla M. Xuseen oo ku taqasusey arrimaha caafimaadka.

Mohamed Maye Mursal (Diiday)
BMC: Nordamerica Office, Canada

WWW.BUURHAKABA.COM