Oslo, 03-June-2007@[Buurhakaba Media]  Kulan uu gudiga jaaliyadda D&M ee wadanka Norway yeeshey oo lagu taageerey maamulka loo magacaawey Gobolka Shabeelaha Hoose, oo uu guddoomiye ka yahay Dr. C/qaadir Maxamed Nuur.

Kulankaas oo ay ka soo qeybgaleen dhamaan wakiiladda jaaliyadda ee gobolada iyo degmooyinka wadanka Norway, qodobka ugu mihiimsanaa ee halaas leysugu yimid wuxuu ahaa sidii taageero loogu fidin lahaa maamulka curdanka ah ee u dhashey dadyowga dega gobolka shabeelaha hoose.

Waxaan soo dhoweynaynaa maamulka cusub ee laga dhisay gobolka Shabeellada Hoose, annagoo si buuxda u taageereyno xubnaha maamlka cusub oo hiil iyo hooba la garab taagan. Waxaan si kulul u cambaareynaynaa beelaha aan u dhalan gobolka oo ku doodaya inay maamulkaas qayb ku yeeshaan. 

Qofka soomaaliga ah wuxuu xaq u leeyahay inuu ku noolaado, dego ama ka ganacsado meel kasta oo Dalka Soomaaliya ka mid ah, hase yeeshee maamulka iyo talada waxaa xaq u leh dadka asal ahaan u dhashay deegaan kasta.

Maamulkan laga dhisey gobolka shabeellada hoose oo ahaa mid ay dhisidiisu isku raaceen inta u dhalatey gobolka uuna yahay kii ugu horeeyey intii ay soomaliya dowladd soo lahaan jirtey oo ay u taliyaan dad u dhashey deegaanka sh/hoose.

Waxaana Ilaahay idinka  baryayaa in xilkan culus oo aad dusha u ridatayeen idiin fududeeyo, shacabka Reer G.SH.Hoose na waxaan ujeedinayaa in ay u garab istaagaan xubnahan loo magaacabay maamulka  Gobolka.